Хүүхдийн хөгжил сургууль, эцэг эх болон тус хүүхдийн хичээл зүтгэлээс ижил тэнцүү хамаардаг.

Бид эцэг эхчүүдэд зориулсан хүүхдийнхээ академик болон академик бус хөгжлийг хэрхэн дэмжих талаар цуврал мэдээлэл, лекц, хурлыг тогтмол болон хүртээмжтэйгээр зохион байгуулдаг. Эдгээр арга хэмжээнүүд нь эцэг эхчүүдэд хүүхдийнхээ сул болон давуу талыг ойлгож, засаж залруулан мөн хөгжүүлэх арга хэрэгсэл, хүмүүжлийн стратеги, ойлголтыг өгөх зорилготой юм.

Академик хүмүүжлийн сургалтуудад дадал хэвшлийг хэрхэн бий болгох, цагийн менежментийн ур чадвар, гэртээ суралцах таатай орчныг хэрхэн бүрдүүлэх зэрэг сэдвүүд багтана. Мэргэжлийн багш, сурган хүмүүжүүлэгчид хүүхдийн гэрийн даалгавар, багш нартай үр дүнтэй харилцах, сургуулийн нөхцөл хөгжиж болох арга замууд зэргийн талаар өдөр тутамд зөвлөгөө өгдөг. Ингэснээр эцэг эхчүүд сургалтын хөтөлбөрийн талаар илүү гүнзгий ойлголттой болж, хүүхдүүддээ сорилт бэрхшээлийг даван туулахад нь хэрхэн туслах, тэдний чадавхийг бүрэн дүүрэн хөгжүүлэхэд нь туслах болно.

Бид академик боловсролоос гадна нийгмийн ур чадвар, сэтгэл хөдлөл, биеийн эрүүл мэнд зэрэг олон салбарын боловсролыг чухалчилдаг. Эцэг эхчүүд сургуулийн орчин дахь харилцааны соёл, хүүхдийн сонирхлыг хэрхэн илрүүлэн дэмжих талаар суралцах болно. Эдгээр нь эцэг эхчүүдэд өөртөө итгэлтэй, чадварлаг, хүнлэг хувь хүнийг төлөвшүүлэхэд нь туслах зорилготой юм.

Хүүхдээ дэмжихийн тулд эцэг эхчүүд тэдний сэтгэл зүйн өвөрмөц онцлог, сэтгэлгээг нэн түрүүнд ойлгох хэрэгтэй. Манай сургалтууд хүүхэд, өсвөр үеийнхний хөгжлийн үе шатуудыг тайлбарлан, тэдний танин мэдэхүй, сэтгэл хөдлөл, нийгмийн өсөлт хөгжилтийн талаарх ойлголтыг өгдөг. Дэлгэцийн хэрэглээ, насны онцлогтой стресс, түгшүүрийг зохицуулах, өсөлтийн сэтгэлгээг төлөвшүүлэх зэрэг сэдвүүдийг туршлагатай сэтгэл зүйчид, хүүхдийн хөгжлийн мэргэжилтнүүд хамтран ажиллах болно. 

Манай хөтөлбөр нь сурагчдад эерэг сэтгэлгээ, тэсвэр тэвчээрийг төлөвшүүлэхэд ихээхэн ач холбогдол өгдөг. Сургуулийн орчин дахь эерэг хандлага, төлөвшлийг системийг улам батжуулахад эцэг эхчүүдийн харилцаа, сургуулийн бус орчинд хэрхэн хүүхэдтэйгээ ажиллах нь мөн нөлөөлдөг. Тиймээс эцэг эхчүүдтэй хүүхдээ хэрхэн хүчирхэг сэтгэлгээтэй болгох тал дээр зөвөлгөө өгч, хамтран ажиллана.

Бид хамтдаа хүүхдүүдийг сурлагын амжилттай, эерэг төлөвшилтэй, тэсвэр хатуужилтай хувь хүн болж өсөх хүмүүжлийн орчныг бүрдүүлж чадна.