Манай STEM хөтөлбөр насан туршийн суралцах, инновацийг бий болгох хүсэл тэмүүллийг бий болгосноор сурагчид өөрсдийн сонирхсон мэргэжлийн чиглэлээ тодорхойлж, эргэн тойрондоо нөлөө үзүүлэхүйц бие хүн болон хүмүүжнэ.

• Молекул физикийн туршилт судалгаа явуулах;
• Цахилгаан схем хэлхээн дээрх угсралт хийх;
• Цахилгаан схем дээрх угсралт хийж тооцоолол хийх;
• Гэрэл мэдрэгч түлхүүр бүхий хэлхээ ба температураар удирдагдах дохиоллыг (Реле эсвэл транзистор ашигласан) ойлгосноо харуулах;
• Өгөгдсөн цахилгаан схем дээр код бичин C++ болон прогромчлалын хэл дээр ажиллах;
• Нэг инерциал системээс нөгөөд шилжихэд координат хувиргах зүй тогтлыг тодорхойлох;
• Дууны цохилгыг графикаар дүрсэлж илэрхийлэх;
• Нэг тооллын системээс нөгөөд шилжихэд хурд, хурдатгалын хувиргалтыг хэрэглэх.

Хувь хүний ​​хувьд дэмжлэг, нөөц бололцоо, өөрийгөө хөгжүүлэх боломжуудаар хангаснаар бид сурагчдад зорилгоо хэрэгжүүлэх, саад бэрхшээлийг даван туулах, өөрсдийн чадавхийг бүрэн дүүрэн дайчлах боломжийг олгодог.

• Танин мэдэхүйн процесс: Сэрэл, хүртэхүй, анхаараал, ой тогтоолт, анхаарал сэтгэхүй зэрэг танин мэдэхүйн үйл ажиллагааны талаар сэтгэл судлалын шинжлэх ухааны анхан шатны мэдлэгтэй болох;
• Сэтгэл зүйн тулгамдсан асуудал: Сэтгэл зүйн түгээмэл тулгамдсан асуудал болох түгшүүр, сэтгэл гутрал зэргийн талаар ойлголт, мэдлэгтэй болж, эдгээрийг давах туулах арга замын талаар сурах;
• Гэр бүлийн харилцаа: Хайр дурлал, гэр бүл төлөвлөлт, гэр бүлийн харилцаа талаар сэтгэл судлалын шинжлэх ухааны талаас судлах хичээл; 
• Зорилго: Ойрын болоод холын зорилгоо тодорхойлох, ирээдүйгээ төлөвлөх, төлөвлөгөөний дагуу ажиллаж сурах зэрэг ур чадварын хичээл;
• Их сургуулийн бэлтгэл: Дэлхийн шилдэг их сургууль, коллежуудын элсэлтийн процесст бэлдэх, өргөдлөө амжилттай явуулахад шаардлагатай нөхцөл бололцоо бүрдүүлж, менторууд зэрэг туршлагатай хувь хүмүүсийг урин олон үйл ажиллагаа зохион байгуулах нь тус хөтөлбөрийн гол цөм юм;
• Мэргэжил сонголт: Өөрийн сонирхол, ур чадварыг олж нээх, сонирхсон салбартаа дадлага хийх, ажлын байрны боломж гэх мэт сурагчид янз бүрийн салбар, мэргэжил, карьерын талаар үнэ цэнтэй боловсролыг олж авах;
• Манлайлал: Манай манлайллын хөгжлийн хөтөлбөр нь сурагчдад манлайлах ур чадвараа дээшлүүлэх, давуу талаа хөгжүүлэх, сургууль, нийгэмдээ эерэг нөлөө үзүүлэх боломжийг олгоно;
• Глобал судлал: Уг хөтөлбөр нь хүний эрх, байгаль орчны тогтвортой байдал, дэлхийн энх тайван, асуудал шийдвэрлэх зэрэг дэлхийн хэмжээний мэдлэг, ур чадварыг судална.

Манай соёл урлагийн хөтөлбөр нь ахлах ангийн сурагчдад бүтээлч сэтгэлгээг хөгжүүлэх, өөрсдийгөө уран сайхны аргаар илэрхийлэх, урлагийн янз бүрийн төрөлд практик ур чадварыг хөгжүүлэх онцгой боломжийг олгодог.   

• Дизайны програмын ахисан түвшний мэдлэг: Дизайны хамгийн сүүлийн үеийн программ, техник төхөөрөмжүүдийг хэрхэн ахисан түвшинд ашиглах талаарх мэдлэг олгосгоор сурагчид дэлхийн урлагийн хөгжил дэвшилтэй хөл нийлүүлэн алхах боломжтой болох;
• Урлагийн түүх: Сонгодог урлагаас орчин үеийн урлаг хүртэлх төрөл бүрийн урлагийн хөдөлгөөн, хэв маяг, үеийн талаарх ойлголттой болж, урлагийн түүхийг тоймлон судлах зэргээр урлагийн өндөр мэдлэг, мэдрэмжтэй бие хүн болгон төлөвшүүлнэ; Олон улсын урлагтай танилцах нь сурагчдад өөр өөр соёл, уламжлал, үзэл бодолтой танилцаж, соёлын үнэлэмж, ухамсрыг бий болгож, нээлттэй харах өнцгийг хөгжүүлдэг;
• Төсөл: Өөрсдийн онцлог сэтгэлгээ, зан чанар, эсвэл нийгмийг тойрсон зэрэг тодорхой сэдэв, үзэл баримтлалаар уран сайхны олон төрлийн хэв маягийг ашиглан төсөл хэрэгжүүлэх, уран бүтээл тууривах зэрэг сурагчдад өөрсдийгөө илэрхийлэх, хөгжүүлэх үйл ажиллагаа багтдаг.

Сурагч бүр хөдөлгөөний идэвхтэй, эрүүл мэндийн боловсролтой байх нь манай сургуулийн хувьд үнэ цэнтэй бөгөөд манай хөтөлбөр нь сурагчдад өөрсдийн сонирхсон спортын ур чадвараа сайжруулах, эрүүл чийрэг, өөрийн эрүүл мэндийг анхаардаг, хайрладаг, өөртөө халамжтай иргэнийг бүтээх зорилготой. 

• Төрөл бүрийн спорт, фитнесс: “Спорт ба атлетик”-ийн хөтөлбөр нь сурагчдыг өөрсдийн хүссэн, төрөл бүрийн спорт, фитнессээр хичээллэх боломжийг олгодог; 
• Сагсан бөмбөг, гар бөмбөг, хөл бөмбөг: Сагсан бөмбөг, гар бөмбөг, хөл бөмбөг зэрэг спортын дугуйланд хичээлийн дараах чөлөөт цагаар хамрагдах;  
• Хөнгөн төрлийн спорт: Иог, бүжиг, гимнастик гэх мэт хөнгөн төрлийн спортоор хичээллэх боломжтой;
• Бие хамгаалах урлаг: Бие хамгаалах урлагийн талаар ойлголт, мэдлэгтэй болж, хичээллэх;
• Эрүүл, зөв амьдралын хэв маяг: Эрүүл, зөв амьдралын хэв маяг, эрүүл хооллолтын мэдлэгтэй болж, амьдралдаа хэвшүүлж сурах. 

Компьютерийн ухааны суурь мэдлэг болоод хиймэл оюун ухааныг сонирхолтой, хөгжилтэй байдлаар ахисан түвшинд судалж, компьютер болоод мэдээллийн технологи нь дэлхий дахинд хэрхэн нөлөө үзүүлдэг талаарх ойлголтыг эзэмшинэ.

Өнөөгийн харилцан уялдаатай ертөнцөд нийгмийн харилцаа холбоо, олон нийтийн газар биеэ зөв авч явах зэрэг нь чамгүй чухалд тооцогддог болсон билээ.

• Харилцааны соёл: Сурагчдад бусдыг сонсох, тодорхой бөгөөд итгэлтэй ярих, зохих хэл, өнгө аясыг ашиглах зэрэг аман харилцаа болон мөн нүүрний хувирал, биеийн хэлэмж гэх мэт аман бус харилцааны ач холбогдлыг судлан төлөвшүүлнэ;
• Байгаль орчин: Дэлхийн уур амьсгалын өөрчлөлт, хог хаягдал, хоол хүнсний аюулгүй байдал, байгаль дэлхийгээ хайрлан энэрэх зэргийн талаар ойлголт, мэдлэгийг хүргэх хичээл;
• Хорт, буруу зуршил: Хорт, буруу зуршлын талаар ойлголт, мэдлэгтэй болсноор энэ нь нийгмийн амьдралд бусдад хэрхэн сөргөөр нөлөөлдгийг мэдэх ба уг хичээлийн хүрээнд аян зохион байгуулах;
• Сайн дурын ажил: Сурагчид янз бүрийн олон нийтийн болон сайн дурын ажилд гар бие оролцсноор нинжин сэтгэл, бусдад туслах, нийгмийн хариуцлагын үнэ цэнийг ойлгож цаашлаад бусдад болон нийгэмд үнэтэй хувь нэмрээ оруулдаг бие хүн болон төлөвших болно. 

Манай “Бизнес, эдийн засаг”-ийн хөтөлбөр нь ахлах ангийн сурагчдад бизнес, санхүүгийн ертөнцөд хөгжихөд шаардлагатай мэдлэг, ур чадвар, туршлагаар хангах цогц сургалтын хөтөлбөрийг санал болгодог.

• Бизнес эрхлэх нь инноваци, ажлын байр бий болгох, эдийн засгийн өсөлтийн нэгэн чухал хөдөлгүүр учир манай энтерпренершип хөтөлбөр нь сурагчдад бүтээлчээр сэтгэх, санаачилга гаргах, амжилттай бизнес эхлүүлэх, хөгжүүлэх, бизнес эрхлэх сэтгэлгээ, ур чадварыг хөгжүүлэх боломжийг олгоно;
• Санхүү, эдийн засгийн мэдлэг олгох хичээлүүд нь сурагчдад дэлхийн санхүүгийн зах зээлийн бүтэц, чиг үүрэг, динамикийг таниулахаас гадна санхүүгийн үндэслэлтэй шийдвэр гаргах, мөнгийг үр дүнтэй удирдах, санхүүгийн найдвартай ирээдүйг бий болгох практик мэдлэг, ур чадварыг төлөвшүүлнэ;
• Форекс арилжаа нь сурагчдад дэлхийн эдийн засаг, зах зээл, хөрөнгө оруулалтын стратегийн талаар практик, сонирхолтой байдлаар суралцах онцгой боломжийг олгодог. Туршлагатай арилжаачидтай хамтран ахлах сургуулийн сурагчдад тохирсон сургалтын материал, хичээлийн төлөвлөгөө, интерактив үйл ажиллагааг боловсруулсан;
• Санхүүгийн мэргэжилтнүүдээс суралцах, өөрсдийн сонирхож буй чиглэлийн байгууллагад дадлагын хугацаагаар ажиллах, гарааны бизнест зориулсан зах зээлийн судалгаа хийх зэрэг нь сурагчдад онолын мэдлэгийг практик нөхцөл байдалд ашиглах, мэргэжлийн сүлжээг бий болгох, бизнесийн янз бүрийн карьерын замуудыг олж авах боломжийг олгох зорилготой.