STEM боловсрол нь сурагчдад олон төрлийн мэдлэг, чадвар олгож, ирээдүйн ажлын зах зээлд өрсөлдөх чадварыг хөгжүүлэхэд чухал үүрэг гүйцэтгэнэ. Ингэснээр тэд дэлхийн технологийн хөгжилд хувь нэмрээ оруулах, шинжлэх ухаан, инженерчлэл, технологийн салбарт амжилттай ажиллах, асуудлуудыг шийдвэрлэх чадвар эзэмшинэ.

• Сурагчдын дунд сониуч зан, инновацийг өдөөх зорилготой STEM арга хэмжээ, семинаруудыг зохион байгуулна. Эдгээр арга хэмжээ нь робот техник, кодчилолоос эхлээд байгаль орчны шинжлэх ухаан, биоанагаахын судалгаа хүртэл өргөн хүрээний сэдвүүдийг хамардаг;
• Цахилгаан схем болон гэрлэн диод дээр ажиллах, гүүр зохион бүтээхээс эхлээд робот бүтээх хүртэл инженерийн олон төрлийн төсөл дээр ажиллах боломжтой. Ингэснээр тэдний бүтээлч сэтгэлгээ, техник сэтгэлгээ, харилцааны чадварууд хөгжиж, инженерийн салбарт амжилт гаргах үндэс тавигдана;
• Компьютер, тооцоолох системийн хөгжлийн түүх, үе шатыг голлох нээлт, бүтээл болон тооцоолол хийх, статистик шинжилгээ хийх, олон төрлийн ээдрээтэй асуудлуудыг шийдвэрлэх чадвараа хөгжүүлж, өөртөө итгэлтэй, чадварлаг мэргэжилтэн болоход бэлтгэгдэнэ.

Дунд сургуулийн “Хувь хүний хөгжил” хөтөлбөр нь нийгэм ба сэтгэл зүйн боловсролыг дэмжиж, сурагчдыг бие даасан нэгэн болгосноор насан туршийн суралцах, амжилтанд хүрэх үндэс суурийг тавьдаг.   

• Өөртөө итгэх итгэл: Өөрийгөө харах өнцгөө тодорхойлж, өөрийгөө эергээр хардаг, өөртөө хайртай, итгэлтэй хүн болгох хичээл;
• Бодол, сэтгэл хөдлөл, шийдвэр: Хүчтэй сэтгэл хөдлөл, таагүй, сөрөг бодлоо таньж мэдэж, эдгээрийг зөв удирдаж, илэрхийлдэг, зөв шийдвэр гаргах чадвар суулгах хичээл; 
• Стрессээ удирдах: Эерэг болон сөрөг гэсэн хоёр төрлийн стресс байдаг бөгөөд стрессийг зөвөөр удирдан чиглүүлбээс өндөр үр бүтээмжтэй байх боломжтой учир сурагчдыг стресс менежментийн талаарх ойлголт, мэдлэгтэй болгох;
• Их сургууль: Дунд ангиасаа дэлхийн шилдэг их сургуулийн сонгон шалгаруулалт, өргөдөл, тэтгэлэг олголт зэрэг хэрхэн явагддаг талаар тодорхой хэмжээний мэдлэг ойлголттой болох ба энэ нь ахлах ангид үүсэх ачааллыг багасгахаас гадна дэлхийн өнцөг булан бүрт буй сурагчдаас онцгойрч дэлхийн боловсролд хүрэх хаалгыг нээх боломжтой;
• Илтгэх урлаг: Илтгэх урлагаар хичээллэж эхлэх ба энэ нь сурагчдад өөртөө итгэх итгэлийг бий болгож, санал бодлоо үр дүнтэй илэрхийлэх, бусдын өмнө үг хэлэх айдсыг даван туулахад туслах зорилготой;
• Сайн дурын ажил: Сурагчдад бусдыг ойлгох сэтгэл, нийгмийн хариуцлага, иргэний оролцооны мэдрэмжийг төлөвшүүлэх үүднээс орон нутгийн болон олон улсын байгууллагад сайн дурын ажил хийх, байгаль орчныг хамгаалах төсөлд оролцох зэрэг үйл ажиллагаанд оролцуулах; 
• Төсөл: Олон нийтэд чиглэсэн төсөл хэрэгжүүлж сурагчдад нийгэмд тулгамдаад буй асуудлыг шийдвэрлэхэд хувь нэмрээ оруулах, өөрчлөлтийг бий болгох боломжийг олгох.

Манай сургуульд бүтээлч байдалд ямар нэгэн хязгаар үгүй. Уламжлалт хичээлүүдээс гадна бид сурагчдыг уран сайхны мэдрэмж, илэрхийлэх ур чадвартай нэгнийг төлөвшүүлнэ. Манай дүрслэх урлагийн хөтөлбөр нь график дизайнд онцгой анхаарал хандуулж, сурагч бүрийн бүтээлч чадавхийг нээх зорилготой юм.

• Дизайны програмын анхан шатны мэдлэг: Photoshop, Illustrator, Canva зэрэг програм хангамжийг ашиглан зурагт хуудас, лого бүтээх, дижитал бүтээл урлах зэрэг төсөл хийх ба үүгээр дамжуулан сурагчид санаагаа хэрхэн бусдад үр дүнтэй дамжуулах суурь чадварт суралцах юм;
• График дизайн: Сурагчид зар сурталчилгаа, маркетингаас эхлэн вэб дизайн, брэндинг хүртэл янз бүрийн салбарт график дизайныг хэрхэн ашигладаг талаар судална; Сурагчид график дизайны ур чадварын практик хэрэглээг эзэмшсэнээр нийгэмд дизайны нөлөөг ойлгон, үүнийг өөрийн давуу тал болгон ашиглах боломжтой болох;
• Төсөл: Сурагчид практик төслүүдээр дамжуулан найруулга, мэдрэмж, өнгөний зохицол зэрэг урлагийн үндсэн зарчмыг сурна. Бусад сурагчтай хамтарсан төсөл хийснээр сурагчдын өөрсдийн санаа бодлоо хуваалцах, бие биенээсээ суралцах, хүндлэх зэрэг олон чадвар хөгжих;
• Санааг бодитоор хэрэгжүүлэх: Сурагчдын төслийн эцсийн санааг бодит болгоход сургууль дэмжин ажиллах. 

Спортоор хичээллэх нь бие бялдрын чийрэгжилтийг хөгжүүлж, өөртөө итгэх итгэлийг нэмэгдүүлж, сахилга бат, тэсвэр хатуужил зэрэг амьдралын чухал ур чадварыг эзэмшүүлдэг. Манай хөтөлбөр нь сурагчдад спортын ур чадвараа сайжруулах, шинэ хүсэл тэмүүллийг олж илрүүлэх олон төрлийн боломжийг олгох зорилготой юм.

• Сагсан бөмбөг, хөл бөмбөг, волейбол, хөнгөн атлетик: Манай хөтөлбөр нь сагсан бөмбөг, хөл бөмбөг, волейбол, хөнгөн атлетик зэрэг олон төрлийн уламжлалт спортыг санал болгодог. Эдгээр спортоор хичээллэснээр сурагчид авхаалж самбаа, багаар ажиллах зэрэг чухал ур чадваруудыг хөгжүүлдэг. 
• Уул/хананд авиралт: Ууланд авиралтын тусгай төнөг төхөөрөмжүүд дээр хичээллүүлэн сурагчдыг хурд, хүч, авхаалж самбаатай болгох бөгөөд хүүхдийг байгальд хайртай, хөдөлгөөний идэвхтэй болгох сонирхолтой хөтөлбөр юм.
• Эрүүл мэндийн боловрол: Эрүүл дадал зуршил, өөрийгөө хайрлахыг сургаж сурагчдад эрүүл мэндээ нэн тэргүүнд тавьж, биеийн тамирын дасгал сургуулилтаа амьдралынхаа бусад хэсгүүдтэй тэнцвэржүүлэх боломжийг олгодог. 

Дунд ангид мэдээллийн технологийн хичээл тоглоомын арга зүйгээр аппликейшн дээр явагдана. Сурагчид өөрсдийн чадвар, сэтгэхүйд тохирсон код бичиж гар утасны тоглоом зохиож мини-төсөл хийх юм.

Манай олон нийтэд чиглэсэн ажил, нийгмийн ёс зүй, сайн дурын үйл ажиллагааны хөтөлбөр нь дэлхий дахинд эерэг өөрчлөлт хийхээр бэлтгэгдсэн энэрэнгүй, нийгэмд ухамсартай удирдагчдыг төлөвшүүлэх гол зорилготой. 

• Цахим орчинд биеэ авч явах соёл: Цахим орчинд бусдыг хэрхэн хүндлэх болон учирч болзошгүй эрсдэлээс өөрийгөө хамгаалах зэрэг боловсролыг олгохоос гадна сошиал медиаг өөрийн давуу тал болгох, олон нийтэд нөлөө үзүүлэх боломжийн талаар ойлголттой болох юм.
• Сайн дурын ажил: Сурагчид бусдад тусламжийн гараа сунгах сайн дурын ажил хийхээс эхлээд байгаль орчныг цэвэрлэх ажилд оролцох хүртэл нийгэмд тулгамдаад буй янз бүрийн асуудлыг шийдвэрлэхэд хувь нэмрээ оруулах;
• Кейс, хэлэлцүүлэг: Кейс буюу тохиолдол, хэлэлцүүлэг, үйл ажиллагаагаар дамжуулан нийгмийн олон янзын байдал буюу өөрөөсөө өөр байж болох бусад хүмүүсийг ойлгох, хайрлах сэтгэл, хүлээн зөвшөөрөх чадварыг төлөвшүүлнэ;
• Асуудал шийдвэрлэх: Асуудлыг танин мэдэж, бусдын хүсэл, хэрэгцээг ойлгож, боломжит шийдлийг судалж, хамгийн зөв шийдвэр гаргах чадварт сургах хичээл;
• Нийгмийн харилцаа: Нийгэмд бусадтай хөл нийлүүлэн хамтран амьдрахад зөрчил маргаан зайлшгүй гардаг, иймээс сурагчдад зөрчил маргааныг хэрхэн бодитоор, зөв шийдвэрлэх, бусадтай эелдэг, найрсаг, бусдад төвөг удахгүйгээр нийгмийн харилцаанд орох ур чадварыг эзэмшүүлнэ. 

Манай хөтөлбөр нь эдийн засгийн зарчмууд, санхүүгийн удирдлага, бизнес эрхлэх үзэл баримтлалын талаарх ойлголтыг бий болгосноор зах зээлд өрсөлдөх чадвар бүхий онолын болон практик мэдлэгтэй, судалгааны арга зүйг эзэмшсэн, бие даасан бүтээлч сэтгэлгээтэй, харилцааны өндөр ур чадвартай, мэргэжилтэн бэлтгэхэд оршино.

• Мэдвэл зохих хүмүүнлэг-нийгмийн ухаан, математик статистик, мэдээллийн системийн суурь мэдлэг эзэмших;
• Бизнес болон санхүү, математикийн суурь мэдлэг эзэмших;
• Бизнесийн баримт бичгийг боловсруулах, бизнесийн харилцаанд оролцох, мэргэжлийн ёс зүйг сахих;
• Мэргэжлийн англи хэлний мэдлэг, хэрэглээ;
• Тоон болон статистик шинжилгээний аргуудыг хэрэглэх чадвартай болох;
• Мэргэжлийн хүрээнд судалгаа, шинжилгээний ажлыг хийх, үйл ажиллагааг төлөвлөх, зохион байгуулах;
• Бие хүний төлөвшлийн болон харилцааны ур чадвар, бүтээлч сэтгэлгээ, илтгэх, мэдээллийн технологи ашиглах, өөрийгөө хөгжүүлэх, манлайлах чадвар эзэмшинэ.